ՌԱՀՀԿ-ն եւ ՔԱՆ-ը համատեղ քննարկեցին ժողովրդավարացման գործում կուսակցությունների ու քաղաքացիական հանրության դերի խնդիրը

2 դեկտեմբերի 2014թ., Երեւան: Ռազմավարական եւ ազգային հետազոտությունների հայկական կենտրոնը (ՌԱՀՀԿ) այսօր Քաղաքացիական ազգային նախաձեռնության (ՔԱՆ) հետ համատեղ անցկացրեց սեմինար-քննարկում, որի թեման էր՝ «Ավտորիտար երկրների ժողովրդավարացման ուղիները. ինստիտուտներ, արժեքներ, սկզբունքներ: Կուսակցությունների եւ քաղաքացիական հասարակության դերը»: Հրավիրված էին փորձագետ-վերլուծաբաններ, հասարակագետներ, քաղաքացիական հոսանքների ու նախաձեռնությունների ներկայացուցիչներ, լրագրողներ:

ՌԱՀՀԿ-ը եւ ԱՔԱՀԽ-ն համատեղ քննարկեցին ԼՂՀ-ի հիմնախնդիրը միջազգային հարաբերությունների սաստկացման նոր պայմաններում

3 սեպտեմբերի 2014թ., Շուշի, Արցախի Հանրապետություն: Այսօր Ռազմավարական եւ ազգային հետազոտությունների հայկական կենտրոնը (ՌԱՀՀԿ) Արցախի Արտաքին քաղաքականության ու անվտանգության հանրային խորհրդի (ԱՔԱՀԽ) հետ համատեղ Շուշիում անցկացրին ընդլայնված քննարկում, որը նվիրված էր «ԼՂՀ հիմնախնդիրը միջազգային հարաբերությունների սաստկացման պայմաններում» թեմային: Խորհրդաժողովին մասնակցում էին քաղաքագետ-վերլուծաբաններ, ԼՂՀ խնդրին փորձագիտական մակարդակով տիրապետող անձինք Երեւանից ու Արցախից, ԶԼՄ-ների ներկայացուցիչներ:

17 հունիսի 2014թ., Երեւան: Այսօր Ռազմավարական եւ ազգային հետազոտությունների հայկական կենտրոնը (ՌԱՀՀԿ) եւ International Alert («Միջազգային տագնապ») կազմակերպությունը, արցախյան հակամարտության կարգավորման լույսի ներքո, անցկացրին երկրորդ համատեղ սեմինար-քննարկումը, որը նվիրված էր «Խաղաղարար գործընթացներում հանրային մասնակցության եւ բազմաշերտ դիվանագիտության մեխանիզմները. Հյուսիսային Իռլանդիայի դասերը» ուսումնասիրությանը:

ՌԱՀՀԿ-ն Հայոց ցեղասպանության խնդիրն արծարծեց միջազգային քաղաքականության դիտանկյունից

29 ապրիլի 2014թ., Երեւան : Այսօր՝ Մեծ եղեռնի մեկդարյա տարելիցին ընդառաջ, Ռազմավարական եւ ազգային հետազոտությունների հայկական կենտրոնը (ՌԱՀՀԿ) 1915թ. Հայոց ցեղասպանության խնդիրն արծարծեց միջազգային քաղաքականության դիտանկյունից: Կլոր սեղանի հերթական քննարկմանը հրավիրված էին թուրքագետ-վերլուծաբաններ, քաղաքագետներ, հանրային հատվածի ակտիվիստներ եւ ԶԼՄ-ների ներկայացուցիչներ:

ՌԱՀՀԿ-ը գնահատում է Ուկրաինայում եւ նրա շուրջ կատարվող գործընթացները

27 մարտի 2014թ., Երեւան: Ռազմավարական եւ ազգային հետազոտությունների հայկական կենտրոնում (ՌԱՀՀԿ) այսօր անցկացված սեմինար-քննարկումը նվիրված էր «Ճգնաժամ Ուկրաինայում. ի՞նչ ազդեցություն կարող է այն գործել միջազգային հարաբերությունների վրա» թեմային: Հրավիրված էին ՀՀ-ում հավատարմագրված մի շարք դիվանագիտական ներկայացուցչությունների աշխատակիցներ, խնդրին փորձագիտական մակարդակով տիրապետող գործիչներ, քաղաքագետ-վերլուծաբաններ, քաղաքացիական ակտիվիստներ եւ լրագրողներ: