Աննի Էռնո, «Պարզապես կիրք», ինքնակենսագրական վեպ, թարգմանությունը ֆրանսերենից՝ Անուշ Գեւորգյանի, 80 էջ, «Անտարես», 2023թ.:

Էռնոյի ստեղծագործություններն իրենցից ներկայացնում են ժամանակահատվածի իրական վավերագրում: Բոլոր ստեղծագործություններն այս կամ այն կերպ կապված են նրա կյանքի որեւէ դրվագի հետ:

Էռնոն ասում է, որ նախընտրում է չսահմանափակել իրեն գոյություն ունեցող ժանրերով եւ ստեղծում է սեփական ոճը: «Պարզապես կիրքը» (1992) ինքնակենսագրական բնույթի վեպ է ոչ այնքան սիրո, որքան սեւեռվածության ու հիվանդագին սպասման մասին:

Հեղինակը օտարերկրացի ամուսնացած տղամարդու հետ ունեցած իր սիրային հարաբերության պատմությունն է անում: Նրա կյանքն ու էությունը պտտվում են այդ տղամարդու շուրջ, իսկ մնացած ամեն ինչ երկրորդ պլան է մղվում: Միայն իրեն հատուկ ոճով, խիզախությամբ ու ճշգրտությամբ գրողը փաստագրում է կնոջը բնորոշ ապրումները, մտքերն ու ցանկությունները: