Օլիվեր Սթոուն, «Զրուցելով Պուտինի հետ», գիտահանրամատչելի, անգլերենից թարգմանությունը՝ Դավիթ Սարգսյանի, 348 էջ, «ՆյուՄեգ», 2023թ.:

Հեղինակի անունը հայտնի է ինչպես գեղարվեստական, այնպես էլ ԱՄՆ արտաքին քաղաքականությանն առնչվող վավերագրական կինոնկարներով։ Արժանացել է երեք «Օսկարի», նկարահանել է երեք ֆիլմ Վիետնամի պատերազմի, երեք ֆիլմ՝ Ֆիդել Կաստրոյի մասին։ Նրա ամենահայտնի վավերագրությունն ԱՄՆ պատմության անհայտ էջերին մասին հեռուստասերիալն է։ Սթոունը պատերազմների մասնակից է, ԱՄՆ բանակում ծառայության ընթացքում արժանացել է 8 շքանշանի:

Այս գիրքը Սթոունը գրել է Ռուսաստանի նախագահի հետ 2015-2017 թթ. անցկացրած հարցազրույցների հիման վրա, որոնք ցուցադրվել են ամերիկյան հեռուստատեսությամբ։ Իր զրույցներում Պուտինը ներկայացնում է ուկրաինական ճգնաժամի արմատները, աշխարհաքաղաքական խնդիրների ռուսական տեսակետը, պատմում իր մանկության՝ երբեք չհրապարակված մանրամասները։

Պուտինի հետ հարցազրույցների համար ամերիկյան մամուլը քննադատել է Սթոունին, մեղադրել միակողմանի դիրքորոշումներ հրապարակելու մեջ։ Սակայն հեղինակը ցույց է տվել, թե ով է Վլադիմիր Պուտինը, ինչ աշխարհայացք ունի, որոշումներ կայացնելիս ինչ սկզբունքներով է առաջնորդվում եւ ինչի է պատրաստ՝ հանուն իր երկրի: