Ռիտա Հարությունյան, «Ալեքսանդր Մակեդոնացու կյանքն ու գործունեությունը», Անտարես, Երեւան, 2018թ.
Հեղինակը պատկերավոր եւ հանրամատչելի կերպով ընթերցողին է ներկայացնում մեր թվարկությունից առաջ IV դարի մեծ զորավար Ալեքսանդր Մակեդոնացու կյանքն ու նրա ժամանակաշրջանի պատմական իրադարձությունները: Արդի հայ պատմագրության մեջ, թերեւս, չկա ամբողջական աշխատություն Ալեքսանդր Մակեդոնացու մասին, ուստի առաջարկվող գիրքը մի համեստ փորձ է՝ լրացնելու այդ բացը:
Առանձնակի հետաքրքիր են Ալեքսանդր Մեծի առնչությամբ Հայաստանին աղերսվող պատմական փաստերը: Գիրքն ունի հարուստ պատկերազարդում, հանգամանալի քարտեզներ, ճակատամարտերը նկարագրող գծապատկերներ: Ուշագրավ են նաեւ հատուկ անունների ու եզրույթների ցանկն ու ժամանակագրական աղյուսակը:
Լիահույս ենք, որ գիրքն օգտակար կլինի ընթերցող լայն շրջանակների, հատկապես երիտասարդության եւ ռազմարվեստի պատմությամբ հետաքրքրվողների համար: