Քեթրին Ինգրամ, «Այսպիսին է Դալին», անգլերենից թարմանությունը` Լուսինե Հայրապետյանի, նկարազարդումները` Էնդրյու Ռեյի, «Զանգակ», 2020թ.:
Իսպանիայի ծովափնյա Քադակես քաղաքի գրոսեսկային ժայռերը, իրականի եւ վերիրականի սահմանը տեղ-տեղ միախառնող կամ առանձնացնող լազուր ծովը եւ Տրամոնտանա քամուց գրգռված պրպտուն միտքը, միջերկրածովյան համեղ արեւի հետ եփվելով ֆլոյդյան երազների մեկնության ջեռոցում, մի պայթյունավտանգ կերպար ստեղծեցին` քսաներորդ դարի գեղանկարչությունն ուղենշող նկարչին` Սալվադոր Դալիին:
Գրքում հետաքրքիր ու ապշեցնող մանրամասներով ներկայացված է այս եսակենտրոն, էքսցենտրիկ, պարանոյիկ-քննադատական մեթոդով արվեստի սահմաններն անվերջ փոխակերպող ու գործնականում ոչ մի նորմի չենթարկվող, անսանձ Մանուկ արքայի ստեղծագործական ապշեցուցիչ ուղին, ում տարերքը վերջնական կերպ հաղորդեց սյուրռեալիզմին, եւ որը, ի վերջո, հայտարարեց. «Սյուրռեալիզմը ես եմ»: