Ջորջ Օրուել, «Անասնաֆերմա», թարգմանությունը՝ Արտաշես Էմինի, վեպ, «Անտարես», 2018թ.

Սա բացառիկ հրատարակություն է, որին առանձին շուք են հաղորդում Զաքար Դեմիրճյանի հրաշալի նկարազարդումները: Քաղաքական սատիրայի եւ հակաուտոպիական ժանրերի ստեղծագործություն է, որի հիմքը 1917 թվականի բոլշեւիկյան հեղափոխությունն է եւ դրան հաջորդած ստալինականությունը։

Ջորջ Օրուելն իր վեպը գրել է Երկրորդ աշխարհամարտի ընթացքում: Հրատարակվել է 1945-ին։ Սակայն գիրքը հանրային մեծ ճանաչում ստացավ ավելի ուշ՝ 1960-ականների Սառը պատերազմի շրջանում։ Այժմ «Անասնաֆերման» համարվում է դասական ստեղծագործություն։

Անգլիացի հռչակավոր գրողի «Անասնաֆերմա» եւ «1984» վեպերը քսաներորդ դարի «հակաուտոպիայի» հանրահայտ նմուշներ են, որոնցում հեղինակը քննարկում է ամբողջատիրական վարչակարգերի պայմաններում անհատականության ոչնչացման գործընթացը։

Գրքի հերոսները «մենըր» անասուններն են, որոնք, ազատվելով իրենց շահագործող ագարակատիրոջից, փորձում են ստեղծել հավասարության վրա հիմնված համայնք՝ Անասնաֆերման։