Պասկալ Բրուքներ, «Իմ փոքրիկ ամուսինը», վեպ, թարգմանությունը՝ Գոհար Ամիրբեկյանի, 184 էջ, «ՆյուՄեգ» հրատ., 2025թ.:
Ժամանակակից հեքիաթ՝ մեծերի մասին ու մեծերի համար։ Այս գիրքը սերունդների միջեւ հավերժական ու ծանր պայքարի մասին է, կյանքի ու մահվան փիլիսոփայական մեկնաբանություն է փոքրիկ տղամարդու ողբերգական ճակատագրի միջոցով։
Կարճահասակ Լեոնն իր ամեն երեխայի ծնվելուց հետո կարճանում է 39 սմ։ Չորս երեխաների ծնունդը նրան վերածում է մատնաչափիկ ամուսնու՝ իր փարթամ ու բարձրահասակ կնոջ կողքին։
Պասկալ Բրուքները գեղարվեստական բացառիկ վարպետությամբ բացահայտում է փոքրիկ մարդու տվայտանքները եւ ի ցույց դնում մարդկանց հարաբերությունների բազմաշերտ հակասականությունը: Երեխայի ծնվելուց հետո ընտանիքն ինչպես է ձեւափոխվում, տղամարդու դերն ինչո՞ւ է հետզհետե նվազում ժամանակակից հասարակության մեջ, եւ ինչպես են զավակները «կուլ» տալիս ու, ի վերջո, «սպանում» իրենց ծնողներին։
«Իմ փոքրիկ ամուսինը» վեպը փիլիսոփայական առակ է, փոխաբերական պատմություն՝ գոյութենական պարադոքսների, հայրերի ու որդիների բախման եւ տղամարդու դերի մասին: