«Սև-սպիտակի կոնցեպտին ես լուրջ չեմ վերաբերվում։ Դեռ պարզ չէ՝ Նիկոլ Փաշինյա՞նն է ամեն կերպ բարձրացնում Ռոբերտ Քոչարյանի կերպարը, թե ինքը։ Սև-սպիտակի լավագույն դրսևորումը հենց դա, որ ներքաշում է, կերպար է ստեղծում և ամբողջ քաղաքական դաշտը ոչնչացնում է։ Հիմա ընտրություններն են, որևէ մեկը հետաքրքրվո՞ւմ է սև-սպիտակից դուրս քաղաքական ուժերով»,-«Առաջին լրատվական»-ի հետ զրույցում ասաց Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը։
Հակահեղափոխության վտանգ, նրա խոսքով, չկա․«Մի օր Փաշինյանին պառլամենտում, փնովում են, մյուս օրը՝ օրհնում։ Նրանք գերի վերցված մարդիկ են, հայ ժողովուրդը այդ հիսուն հոգուն գերի է վերցրել, ինչ դնում են սեղանի վրա, ստորագրում են։ Եվ չգիտեմ՝ ով է ստեղծում հակահեղափոխական ալիքի տպավորություն, ավելի շատ իշխանությունը, որովհետև նրանց դա ձեռնտու է։ Լավ կլիներ, որ նման բան չանեին»,-հավելեց Մանվել Սարգսյանը։