Շատերն ասում են` Ղարաբաղը ազատագրեցինք, իրավունքները չճանաչվեցին, Հայաստանը մտավ խնդիրների մեջ:

Այսօր Ռազմավարական և ազգային հետազոտությունների հայկական կենտրոնում կազմակերպված «Ղարաբաղյան շարժում. հաջողության բանաձևերը» թեմայով քննարկման ժամանակ ասաց ՌԱՀԿԿ հետազոտական ծրագրերի տնօրեն
Մանվել Սարգսյանը:

Շատ կարևոր է տեսնել այս ամենի «հաջողության բանաձևը»: Մանվել Սարգսյանը գտնում է, որ դա իսկապես հաջողություն ունեցող շարժում էր: Նա համամիտ չէ նաև այն տեսակետին, որ ՍՍՀՄ-ը փլուզվում էր եւ ուզեինք, թե`ոչ, ստանալու էինք մեր անկախությունը: Հիշեցնում է`հարևան Ադրբեջանն ու Վրաստանը չստացան այն, ինչ ուզում էին: Հիշեցնում է նաև, որ 100 տարի առաջ Օսմանյան կայսրությունն էլ էր փլուզվում, բայց մենք ոչինչ չստացանք դրանից: