Friday, 23 August 2019

B Book Review

Շառլ Ազնավուր, «Կյանքից կառչած»

Star InactiveStar InactiveStar InactiveStar InactiveStar Inactive
 

Շառլ Ազնավուր, «Կյանքից կառչած», թարգմանությունը՝ Ժակլին Մինասյանի եւ Արտակ Հերիքյանի, NewMag հրատարակչատուն, 2019թ.:

«Կյանքից կառչած»-ը Շառլ Ազնավուրի վերջին՝ իններորդ գիրքն է, որտեղ նա անդրադառնում է ոչ միայն իր անցյալին, այլեւ կենսական նշանակություն ունեցող շատ թեմաների: Սա ուսուցողական ձեռնարկ է բոլոր նրանց համար, ովքեր տրված են կյանքին նույնչափ, որքան Ազնավուրն էր:

Գիրքը թեթեւ կյանքի մասին չէ, թեպետ Ազնավուրն ասում է. «Թո՛ղ որ այս փոքրիկ գիրքը մեղմ զեփյուռի պես թեթեւություն բերի ձեզ»: Այս պատմություններում 
արտահայտված է նրա տրամադրությունը՝ արտացոլված երջանկությամբ ու պարզ ուրախությամբ:

Արձակի խոսքով կերտված եւ չափածոյով համեմված դեգերումները նրան կրկին տանում են այն մտերմիկ միջավայրը, որում ձեւավորվել է արտիստը: Սեփական կյանքը պատմելն Ազնավուրի համար հեշտ չէ: Երկընտրանքի առջեւ հաճախ է կանգնել՝ պատմե՞լ ամբողջը, թե՞ թաքցնել անպատմելին:

Սա յուրահատուկ երկխոսություն է իր եւ ընթերցողի միջեւ: Արտիստը խոսում է դժբախտության, հաջողության, երջանիկ հանդիպումների մասին: Կյանքը սիրող, կյանքին տրված ու կյանքից կառչած Ազնավուրը վերապրում է իր վաղուց մոռացված սերերն ու հուշերը:

The Armenian Center for National and International Studies

Yerznkian 75, 0033
Yerevan, Armenia

Tel.:

+374 10 528780 / 274818

Website:

www.acnis.am