19 մարտի 2015թ., Լոս Անջելես: Ի հիշատակ ցեղասպանության 100-ամյակի, Bloodvine Media-ն Strongman-ի և mTuckman Media-ի հետ համատեղ, 2015թ. ապրիլի 17-ին հանդիսատեսի դատին կհանձնի «1915» ֆիլմը:
Հոգեբանական թրիլլերի ռեժիսորներն են Կարին Հովհաննիսյանը («Գերդաստան ստվերաց» գրքի հեղինակ) և Ալեք Մուհիբյանը: Նկարահանող և դերասանական կազմը ներառում է այնպիսի նշանավոր մարդկանց, ինչպիսիք են գործադիր պրոդյուսեր Րաֆֆի Հովհաննիսյանը (ՀՀ արտաքին գործերի առաջին նախարար), Գրեմմի մրցանակակիր երգահան Սերժ Թանկյանը (System of a Down խմբից, որը շուտով կմեկնարկի ցեղասպանությանը նվիրված իր շրջագայությունը) և դերասաններ Սիմոն Աբգարյանը (Casino Royale) ու Անժելա Սարաֆյանը (Twilight):
«2015թ-ը ոչ միայն Հայոց Ցեղասպանության 100-ամյա տարելիցն է, այլ նաև մոռացված ցեղասպանությունների մի ամբողջ դարաշրջանի ավարտը, - նշեց Կարին Հովհաննիսյանը, - «1915»- ը ժխտման մասին է, թե ինչպես ենք մենք փորձում ազատվել պատմությունից, և ինչպես է պատմությունը մեզ հետապնդում: Այն նաև մեր իսկ անցյալի ուրվականների հետ առերեսվելու անհրաժեշտության մասին է»:
Սյուժե: Օսմանյան Թուրքիայում տեղի ունեցած Հայոց Ցեղասպանությունից ուղիղ 100 տարի անց մի խորհրդավոր ռեժիսոր Լոս Անջելես թատրոնում բեմադրում է ներկայացում՝ ի հիշատակ 1915-ի: Սակայն երբ ցուցարարները շրջապատում են թատրոնը և մի շարք տարօրինակ պատահարներ խուճապ են առաջացնում իր պրոդյուսերի (Ջիմ Փիդդոք) և դերասանների (Անժելա Սարաֆյան, Սեմ Փեյջ, Նիկոլայ Կինսկի) մոտ, պարզվում է, որ ռեժիսորի մտադրությունը չափազանց վտանգավոր է և անցյալի ուրվականներն ամենուր են:
«1915» ֆիլմի անձնակազմ.
ռեժիսորներ և սցենարի հեղինակներ՝ Կարին Հովհաննիսյան և Ալեք Մուհիբյան
պրոդյուսերներ՝ Կարին Հովհաննիսյան, Ալեք Մուհիբյան և Թերրի Լեոնարդ
գործադիր պրոդյուսեր՝ Րաֆֆի Հովհաննիսյան
երաժշտության հեղինակ՝ Սերժ Թանկյան (System of a Down)
նկարող բեմադրիչ՝ Լի Լիսբաո Անդերվուդ
նկարահանման ձևավորում՝ Մայքլ Ֆիցջերալդ
հագուստի ձևավորում՝ Լորեն Օփելթ
մոնտաժ՝ Դեն Դոբի և Փոլ Ֆորտե
Դերակատարներ՝ Սիմոն Աբգարյան, Անժելա Սարաֆյան, Սեմ Փեյջ, Նիկոլայ Կինսկի, Դեբրա Քրիստոֆերսոն և Ջիմ Փիդդոք
Տեղեկությունների համար միացեք մեր ֆեյսբուքյան էջի 11.000 անդամներին - www.facebook.com/1915themovie:
Կարող եք նախապես պատվիրել ֆիլմը մեր պաշտոնական կայքում՝ www.1915themovie.com և ստանալ Գրեմմի մրցանակակիր երգահան Սերժ Թանկյանի հեղինակած երաժշտական ստեղծագործությունը՝ «1915 - The End Begins»:
«1915»-ի գործընկերներն են Ռազմավարական և Ազգային Հետազոտությունների Հայկական Կենտրոն-ը (ՌԱՀՀԿ / ACNIS) և RVVZ / IDeA Foundation-ը:
Մեծ էկրաններին՝
«1915»-ը կցուցադրվի հետևյալ քաղաքների կինոթատրոններում.
Լոս Անջելես և Հարավային Կալիֆորնիա՝ ապրիլի 17-ից
Նյու Յորք՝ ապրիլի 22-ից
Ֆրեզնո՝ ապրիլի 24-ից
Երևան՝ ապրիլի 25-ից
Ֆիլմը նաև հասանելի կլինի ինտերնետային հարթակներում ապրիլի 22-ին: Կինոթատրոնների ամբողջական ցուցակի համար տեսեք ստորև կամ այցելեք մեր պաշտոնական կայք - www.1915themovie.com.
Ի հավելումն նախատեսված ցուցադրությունների՝ «1915»-ը համագործակցում է նորարարական Tugg ընկերության հետ՝ ամբողջ ԱՄՆ-ի տարածքնեով մեկ ըստ պահանջի ցուցադրություններ իրականացնելու համար: Ձեր քաղաքում «1915» ֆիլմի ցուցադրություն կազմակերպելու համար, այցելեք https://www.tugg.com/titles/1915:
«1915» ֆիլմը մեծ եկրան կբարձրանա ապրիլի 5-ին Բեռլինի (Գերմանիա) Մաքսիմ Գորկի թատրոնում՝ որպես Հայոց Ցեղասպանության մեկդարյա տարելիցին նվիրված միջազգային ցուցադրություն: Այնուհետև՝ ապրիլի 13-ին կկայանա «1915» ֆիլմի ամերիկյան պրեմիերան Լոս Անջելեսի պատմական Եգիպտական կինոթատրոնում: Ֆիլմը կներկայացվի Ամերիկյան Կինեմատոգրաֆիայի և «Արփա» միջազգային ֆիլմերի փառատոնի համահովանավորությամբ: Հայաստանի պրեմիերան տեղի կունենա ապրիլի 25-ին Մոսկվա կինոթատրոնում և կցուցադրվի նաև Cinema Star (Dalma Garden Mall) կինոթատրոնում:
Նախատեսված ցուցադրություններ.
Սկսած ապրիլի 17-ից՝
Laemmle’s Music Hall, Beverly Hills (Կալիֆորնիա)
Laemmle’s Town Center, Encino (Կալիֆորնիա)
Laemmle’s Playhouse, Pasadena (Կալիֆորնիա)
MGN Five Star Cinema, Glendale (Կալիֆորնիա)
Regency South Coast Village, Santa Ana (Կալիֆորնիա)
Սկսած ապրիլի 22-ից՝
Quad Cinema, New York City (Նյու Յորք)
Սկսած ապրիլի 24-ից՝
United Artists Sierra Vista 6, Clovis/Fresno (Կալիֆորնիա)
Սկսած ապրիլի 25-ից՝
Մոսկվա կինոթատրոն, Երևան, Հայաստան
Cinema Star (Dalma), Երևան, Հայաստան
Կապ հատատեք մեզ հետ:
Լարիսա Ասլանյան
1915 / iNexxus
Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։
