Կարեն Բալյան, «Ֆենիքս Դարբինյան. Քաղաքին ուրախություն պարգեւած ճարտարապետը», ռուսերենից թարգմանեց Ռուբեն Թարումյանը, 280 էջ, «Նյումեգ», 2020թ.:

Ճարտարապետության տեսաբան, մոդեռնիզմի պատմության մասնագետ, պրոֆեսոր Կարեն Բալյանի գիրքը նվիրված է հայկական մոդեռնիզմի կարեւոր դերակատարներից մեկի՝ Ֆենիքս Դարբինյանի (1924-96) ստեղծագործությանը:

ՀՀ վաստակավոր ճարտարապետ Ֆենիքս Դարբինյանի նախագծերով եւ քաղաքապետ Գրիգոր Հասրաթյանի նախաձեռնությամբ արդիականացվել է Երեւանի կենտրոնը, կառուցվել՝ «Անի» հյուրանոցը, վերակառուցվել՝ Աբովյան փողոցից ճյուղավորվող Թումանյան եւ Մոսկովյան փողոցների միջեւ ընկած հատվածը, Օղակաձեւ այգին Մեծ շատրվանով:

40 տարվա ընթացքում Դարբինյանը տարատեսակ շինություններ է կառուցել՝ տիրապետելով տարբեր տիպի կառույցների՝ բնակարանից մինչեւ բնակելի շենքի, նախագծման տեխնիկային: Նախագծել է ամբողջական փողոցներ (Կիեւյան եւ Աբովյան փողոցների կառուցապատումը):

Գրքում մանրամասն ներկայացած են վաստակաշատ ճարտարապետի ստեղծագործական ողջ ժառանգությունը՝ բազմաթիվ կառույցներ ու նախագծեր՝ ժամանակաշրջանի համատեքստում: Ճարտարապետի անձնական արխիվից մեծաքանակ նյութեր, գծագրեր ու լուսանկարներ տպագրվում են առաջին անգամ: