Գեւորգ Թումանյան, «Ունայնիկներ», Բանաստեղծություններ, «Անտարես», 2019թ.
Ինքնատիպ վերնագրով «Ունայնիկներ» բանաստեղծությունների ժողովածուն սեփական հայեցակարգն ունեցող հեղինակի երկխոսությունն է աշխարհի հետ՝ որպես ինքնաճանաչողություն եւ փրկության միջոց: Փնտրտուքի ճանապարհն անցնում է ամենափոքր, աննշան, անկարեւոր իրերն ու երեւույթները տեսողական դաշտ բերելու, երբեմն լուրջ, երբեմն հեգնախառն նոտաներով ամրագրելու եւ անպասելիորեն նոր մեկնություն տալու ընթացակարգով, որի արդյունքում «ունայնիկ» երեւույթները վերակերպավորվում են՝դառնալով կյանքի ամենակարեւոր շարժիչ ուժ:
Գեւորգ Թումանյանը հեղինակ է նաեւ «Աստվածային ժամանցներից զատ», «Ճախրող Սարդ», «Անընդհատ անառակ որդի» գրքերի: Նրա բանաստեղծությունները թարգմանված են ռուսերեն, պարսկերեն, վրացերեն: