- Մանրամասները
- Շնորհանդեսներ
21 ապրիլի 2015թ., Երեւան: Ռազմավարական եւ ազգային հետազոտությունների հայկական կենտրոնի (ՌԱՀՀԿ) եւ Հայաստանի Հանրապետության Գիտությունների ազգային ակադեմիայի (ԳԱԱ) նախաձեռնությամբ այսօր ԳԱԱ նախագահության նիստերի դահլիճում տեղի ունեցավ նշանավոր պատմաբան, ակադեմիկոս Ռիչարդ Գ. Հովհաննիսյանի «Հայաստանի Հանրապետություն. Վերսալից Լոնդոն, 1919-1920» հիմնարար աշխատության երկրորդ հատորի հայերեն թարգմանության շնորհանդեսը:
- Մանրամասները
- Շնորհանդեսներ
8 ապրիլի 2015թ., Երեւան: Ռազմավարական եւ ազգային հետազոտությունների հայկական կենտրոնի (ՌԱՀՀԿ) եւ Հայաստանի Հանրապետության Գիտությունների ազգային ակադեմիայի մամուլի ծառայություններից ստացված տեղեկությունների համաձայն՝ նշանավոր պատմաբան, ակադեմիկոս Ռիչարդ Գ. Հովհաննիսյանի «Հայաստանի Հանրապետություն. Վերսալից Լոնդոն, 1919-1920» հիմնարար աշխատության երկրորդ հատորի հայերեն թարգմանության շնորհանդեսը տեղի կունենա ապրիլի 21-ին, ժամը 12:00-ին Գիտությունների ազգային ակադեմիայի նախագահության նիստերի դահլիճում:
Մի շարք լեզուներով ծավալուն արխիվային նյութերի վրա հիմնված բնագիրը քառահատոր է, անգլերեն եւ հրատարակվել է 1971-1996թթ. ընթացքում կամ շուրջ 25 տարում, որը նմանօրինակ հսկայածավալ, տարողունակ աշխատանքի համար մեծ ժամանակամիջոց չէ:
««Հայաստանի Հանրապետության» երկրորդ հատորի վրա աշխատելիս ես կրկին ու կրկին գիտակցեցի առաջին հանրապետության եւ ներկայիս հանրապետության առջեւ ծառացած մարտահրավերների նմանությունները: Հարցն այն է, սակայն, թե ո՞վ է լսելու եւ ո՞վ է սովորելու անցյալի դասերից»,- գրքի նախաբանում գրում է ակադեմիկոսը:
- Մանրամասները
- Շնորհանդեսներ
24 դեկտեմբերի 2012թ., Երեւան: Ռազմավարական եւ ազգային հետազոտությունների հայկական կենտրոնը (ՌԱՀՀԿ) լույս ընծայեց «Փոփոխվող աշխարհ: Հայացք Երեւանից» ընդհանուր խորագրով վերլուծական իր եռամսյա հանդեսի երրորդ համարը, որի շնորհանդեսն այսօր տեղի ունեցավ ՌԱՀՀԿ գրասենյակում: Շնորհանդեսը ներկայացնելիս` կենտրոնն իր հարկի տակ էր հյուրընկալել հանդեսի անմիջական հեղինակներին, այլ առաջատար վերլուծաբանների, քաղաքագետների ու մամուլի ներկայացուցիչների:
