Կոնստանտին Սարկիսյան, «Աշխարհի սահմանադրությունը». գիրք առաջին՝ «Տեսիլ», փաստավավերագրական, 288 էջ, «Բիբլիոն» հրատարակչություն, 2025թ.:

Հայ գրող Կոնստանտին Սարկիսյանի «Աշխարհի սահմանադրությունը» եռահատորը շատ արագ սիրվեց բազմաթիվ ընթերցողների կողմից: Առաջին գիրքը՝ «Տեսիլ» վերնագրով, արդեն վաճառքում է, երկրորդ-երրորդ մասերը շուտով կդրվեն ընթերցողի սեղանին, եւ գրողի ասելիքը կամբողջանա:

Եվ այսպես՝ ընթերցողի առջեւ ճանաչողական պատմություն է՝ կազմված «Տեսիլ», «Կյանք» եւ «Համակարգ» գրքերից։ Սա մի մարդու՝ ամբողջ մի կյանք ձգվող ճանապարհորդություն է, որին հայտնի են դարձել կեցության գաղտնիքները, որոնք նա շռայլորեն կիսում է ընթերցողի հետ:

Բայց դրանով հանդերձ՝ նա ոչ թե հանդես է գալիս որպես խորհրդավոր ուղեկից, այլ իրական ընկեր է դառնում, որը հիշեցնում է մեզ վաղուց մոռացված ճշմարտությունների մասին։ Այս գիրքը լավագույնի հանդեպ հույս է պարգեւում: