«The New York Times», «Հայոց ցեղասպանություն. սկիզբը եւ հետեւանքները», 2019թ.

ԱՄՆ-ում հրատարկվել է «Հայոց ցեղասպանություն. սկիզբը եւ հետեւանքները» երկհատորյակը, որում ներկայացված են ամերիկյան հեղինակավոր The New York Times պարբերականի հարյուրավոր հրապարակումներ՝ XIX դարավերջից մինչեւ XX դարի սկիզբ Օսմանյան կայսրությունում հայոց զանգվածային ջարդի մասին:

Երկհատորյակում ներառված հոդվածներն ու տեղեկատվական նյութերը ժամանակագրական կարգով ներկայացնում են հայ ժողվորդի պատմության սեւ էջերը՝ ընթերցողին հնարավորություն տալով ամբողջական պատկերացում կազմել հայերին բնաջնջելու` Օսմանյան Թուրքիայի նպատակաուղղված քաղաքականության մասին:

Ներկայացված նյութերը կարելի է երեք հիմնական փուլի բաժանել՝ 1894-1896 թթ. (Համիդյան ջարդեր), Ադանայի կոտորածը եւ 1915-ի Հայոց ցեղասպանությունն ու 1920-ականների սկզբին հայերին ոչնչացնելու քաղաքականության շարունակումը:

Եկհատորյակի համահեղինակներն են The New York Times հրատարակչության ուսումնասիրող Արա Քեթիբյանը եւ Մխիթարյան միաբանության անդամ Վահան Օհանյանը: Գրքերի շուրջ աշխատանքը տեւել է 12 տարի: