«Ամեն ոք ձեռներեց է», Գրեգորի Դիլ, փաստավավերագրական, թարգմանությունն անգլերենից՝ Տաթեւ Սահակյանի, 304 էջ, «Էդիթ Պրինտ», 2023թ.:
Գրեգորի Դիլի գիրքը Հայաստանի տնտեսության, ձեռնարկատիրական մտածելակերպի եւ հետկոմունիստական մշակույթի մասին է: Այն հայերին ցույց է տալիս, թե ինչպես արտադրել այն, ինչը նրանք արժեքավոր են համարում եւ վերահսկել արտադրության այդ գործընթացը: Գիտելիքը հարստության հիմնական աղբյուրն է աշխարհում:
Այն գիտելիքը, որ առաջարկում է սույն գիրքը, ամփոփում է լավագույն փորձը՝ մեղմելու ոչ բավարար ֆինանսական կարողության խնդիրը, որով պետք է ապահովվի մարդկանց հարմարավետությունն ու բարգավաճումը՝ խնդիր, որն այլ կերպ կոչվում է աղքատություն:
Հենց այսպես է հեղինակը ցանկանում իր ներդրումն ունենալ մեր շուրջն առկա լայն հնարավորությունների դաշտում, որոնք կարող ենք դիտարկել որպես ավելի մեծ հարստություն: Հետեւաբար՝ այս գիրքը նվիրված է յուրաքանչյուր մարդու: