Երեքշաբթի, Հունիսի 28, 2022

Գրքի մեկնություն

Փոլ Էքման, «Խաբիր ինձ»

անգործուն աստղանգործուն աստղանգործուն աստղանգործուն աստղանգործուն աստղ
 

Փոլ Էքման, «Խաբիր ինձ», հոգեբանական հետազոտություն, 300 էջ, անգլերենից թարգմանությունը՝ Լիլիթ Քալաշյանի, «Անտարես», 2022թ.:

Ուսումնասիրության հիմքում մարդու հույզերի եւ խաբեության բնույթի փոփոխությունն է՝ էմպիրիկ հետազոտությունների ընթացքում: Էքմանը ժխտում է մարդաբանների համոզմունքը, որ մշակույթն է թելադրում դիմախաղերը՝ անշեղորեն պնդելով, որ դրանք համընդհանուր բնույթ եւ կենսաբանական հիմք ունեն:

Հեղինակն այժմ թարմացրել է իր հետազոտությունները՝ առավել խորը ներթափանցելով ստի եւ ստերը քողազերծելու մեթոդների մեջ: Միջազգայնորեն ճանաչված գործիչների, օրինակ՝ Ադոլֆ Հիտլերի, Ռիչարդ Նիքսոնի խաբեության մարտավարությունները եւ հավատարմության երդումը խախտած ամուսինների ու հանցագործների վարքը վերլուծելով՝ Էքմանը ցույց է տալիս, որ ստախոսի հաջողությունը հաճախ կախված է հոժարակամ եւ անմեղ «զոհից»:

Փոլ Էքմանը ամերիկացի հոգեբան է, հույզերի եւ ոչ վերբալ հաղորդակցության ոլորտում 20-րդ դարի լավագույն փորձագետներից մեկն է համարվում: Առաջինն է քննության առել մարդկային հույզերն ու դրանց կապը դիմախաղերի հետ: Նա նկարագրում է ստերի տեսակները եւ ստի ձախողման պատճառները, մեկնաբանում, թե ինչպես են ստախոսի մարմինը, ձայնը եւ դիմախաղերը մատնում սուտը:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: