Երկուշաբթի, Մարտի 01, 2021

Գրքի մեկնություն

Ժերար դը Ներվալ, «Հոկտեմբերյան գիշերներ: Զբոսանքներ եւ հիշողություններ»

անգործուն աստղանգործուն աստղանգործուն աստղանգործուն աստղանգործուն աստղ
 

Ժերար դը Ներվալ, «Հոկտեմբերյան գիշերներ: Զբոսանքներ եւ հիշողություններ», արձակ պատումներ, ֆրանս. թարգմանեց Շ.Թամրազյանը, Անտարես, 2020թ.:

Գրքում ներառված է ֆրանսիացի մեծ բանաստեղծի «Հոկտեմբերյան գիշերներ» արձակ պատումների շարքը, որն առաջին անգամ լույս էր տեսել 1852 թվականին: Այն յուրօրինակ մի խորհրդածություն է ներքին եզերքի որոնման, բանաստեղծական սխրանքի ու հասարակական պահանջարկի բազմաբարդ փոխհարաբերությունների մասին:

Իրեն հատուկ նուրբ հեգնանքով փորձելով հետեւել ռեալիզմի՝ «ճշմարտության դպրոցի» ջատագովներին, Ժերար դը Ներվալն ամեն անգամ ստիպված է արձանագրել իր պարտությունը՝ պարբերաբար հայտնվելով ներաշխարհի կախարդված պարտեզներում:

Մինչ ընթերցողի առջեւ էջ առ էջ ամբողջանում է քաղաքային բարքերի ու զվարճալիքների նկարագրությունը՝ իրական, գունեղ մանրամասնություններով, ժամանակ առ ժամանակ հայտնվում է «Աստվածային կատակերգության» հետագիծը՝ հիշեցնելու, որ բանաստեղծի իրապատում դեգերումները նաեւ ներքին ուղեւորություն են իրական ու մտացածին քաղաքի խառնարաններով:

«Զբոսանքներ եւ հիշողություններ»-ում, որ Ներվալի վերջին երկերից է, շարունակվում է ներքին եզերքի համառ ու հետեւողական որոնումը:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: