Ուրբաթ, Մարտի 29, 2024

Գրքի մեկնություն

Մարգրետ Աթվուդ, «Աղախնի պատմությունը»

անգործուն աստղանգործուն աստղանգործուն աստղանգործուն աստղանգործուն աստղ
 

Մարգրետ Աթվուդ, «Աղախնի պատմությունը», վեպ, թարգմանությունը` Հայկ Ֆելեքյանի, էջերի քանակը` 392, «Զանգակ» հրատարակչություն, 2020:

Ժամանակի ամենահայտնի գրողներից մեկի` Մարգրետ Աթվուդի «Աղախնի պատմությունը» վեպը ոչ միայն 20-րդ դարի ամենանշանավոր գրական ստեղծագործություններից է, այլեւ սարսափազդու, բայցեւ իրատեսական նախազգուշացում հավանական ապագայի մասին:

Վեպի գործողությունները տեղի են ունենում Նոր Անգլիայում` Գիլեադ Հանրապետություն կոչվող կաստային հասարակությունում, որտեղ իշխանության էին եկել կրոնական արմատականները։ Գլխավոր հերոսուհին` «աղախին» Ֆրեդովան, բարձրաստիճան Կոմանդորի անպտուղ կնոջ փոխարեն պետք է «կրեր» նրանց երեխային։

Ի՞նչ տեղի կունենա, եթե իշխանության գան կրոնական ծայրահեղականները:

Ինչպե՞ս կփոխվի աշխարհը, եթե կանայք սկսեն համարվել միայն ու միայն սերունդը շարունակելու միջոց` իշխող տղամարդկանց համար: Աթվուդը ուսումնասիրել է հալածված կանանց, բայց միեւնույն ժամանակ նաեւ ընդվզման ու մարդկային անզուսպ ոգու թեման:

Աթվուդը` մեծագույն վարպետությամբ միահյուսելով իրականությունն ու հորինվածքը, ստեղծում է դիստոպիկ ապագայի մի համոզիչ պատկեր, որն իրավամբ դասվում է մեր ժամանակի հզորագույն եւ ամենաընթերցվող վեպերի շարքին:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: