28.06.2022

Свободная Платформа

Այլեւս հատված են կարմիր գծերը

Звезда не активнаЗвезда не активнаЗвезда не активнаЗвезда не активнаЗвезда не активна
 

Պուտինը ճանաչեց Լուգանսկի եւ Դոնեցկի ինքնահռչակ «հանրապետությունները» որպես անկախ պետություններ։ Հավանաբար` վաղը կամ մյուս օրն ամենաուշը դա կանի Ռուսաստանի Դաշնության օրենսդիր մարմինը։

Սա այլեւս այն ռուբիկոնի հատումն է, որ նոր գործընթացների սկիզբ է դնելու Արեւմուտք-Ռուսաստան հարաբերություններում։ Ուղիղ հարձակում եւ պատերազմ սկսելու միակ այլընտրանքային քայլը Պուտինի համր սա էր, եւ Ռուսաստանի կառավարիչը գնաց հենց այս ճանապարհով։ Լիակատար նահանջ` ինքն իրեն անկյուն տանելուց հետո, Պուտինը չէր կարող այլեւս կատարել, իսկ բացահայտ հարձակում չէր կարող իրեն թույլ տալ։

Հիմա Ուկրաինային մնում է կա՛մ արագ ռազմական գործողություններով փորձել վերադարձնել վերահսկողությունը իր այդ տարածքների նկատմամբ, որի արդյունքում տեղի կունենա հենց այն պատերազմը, որի մասին ահազանգում էր վերջին շաբաթներին ԱՄՆ-ը, կա՛մ էլ համակերպվել այդ տարածքների` այլեւս բացահայտ ռուսաստանյան ռազմական պաշտպանության տակ առնելու հետ, որ նշանակելու է այդ տարածքների առնվազն երկարատեւ կորուստ Ուկրաինայի համար։

Բոլոր սցենարների պարագայում սա այն ռուբիկոնն է, որն արդեն Ռուսաստանը հատում է։ Այս քայլի արդյունքում այն հատում է նաեւ Արեւմուտքը` մասնավորապես, Միացյալ Նահանգները։ Միացյալ Նահանգներին այլեւս չի մնում այլընտրանք` քան Ռուսաստանը կազմաքանդելուն լծվելը։

Ռուսաստանն այլեւս անցել է անդառնալիության կետը եւ այլեւս Արեւմուտքի համար ընկալվելու է ոչ միայն որպես տեսական սպառնալիք` այլ արդեն նաեւ գործնական, ակտիվ սպառնալիք։ Պատերազմական գործողությունների սկսման պարագայում Արեւմուտքը զորքեր չի ուղարկելու` կռվելու Ռուսաստանի դեմ։ Եվ ճիշտ է անելու։ Բայց Ուկրաինային մատակարարելու է է՛լ ավելի հզոր զինատեսակներ եւ ամեն բան անելու է, որ ռուսական կողմում առավելագույն մեծաթիվ զոհեր լինեն։

Մյուս կողմից` անպայմանորեն սկսելու է Ռուսաստանի տնտեսական ավիրման գործընթաց եւ Ուկրաինան դարձնելու է հակառուսական ամենակարեւոր պետություններից մեկը։ Պատերազմից խուսափման պարագայում Արեւմուտքը միեւնույն է` անկասկած սկսելու է Ռուսաստանի կազմաքանդման գործընթաց եւ այդ մտքից այլեւս ետ չի կանգնելու։ Բոլոր սցենարների պարագայում Ռուսաստանը չի կարողանալու դիմագրավել արտաքին ճնշմանը։ Ռուսական պետական բուրգը փլուզվելու է` ներքին ահագնացող դժգոհության եւ անկայունության ֆոնին։ Այլեւս հատված են կարմիր գծերը։

 

Հայկ Մարտիրոսյան

23 փետրվարի

Армянский центр стратегических и национальных исследований (АЦСНИ)

РА, Ереван 0033, ул. Ерзнкяна 75

Тел.:

+374 10 528780 / 274818

Эл. почта:

info@acnis.am

Вебсайт:

www.acnis.am

 

Мнения авторов публикаций не всегда совпадают с позицией АЦСНИ.

При перепечатке ссылка на онлайн-журнал «ACNIS ReView: Взгляд из Еревана» обязательна.