Հրաչ Բեգլարյան, «Մղձավանջներ», գեղարվեստական արձակ, 268 էջ, «Անտարես», 2023թ.:
«Մղձավանջներ»-ը Արցախյան առաջին պատերազմի եւ նրանից հետո առաջացած հասարակական-քաղաքական հարաբերությունների մասին է:
Վեպի հերոսները սովորական մարդիկ են՝ տարբեր մասնագիտությունների տեր, որոնց պատերազմը հայրենիքի զինվոր է դարձրել: Կռվում են՝ չկորցնելով իրենց մարդկային նկարագիրը, կռվում են՝ հավատալով, որ պատերազմից հետո ամեն ինչ լավ է լինելու:
Բայց ավարտվում է պատերազմը, եւ երեկ նույն խրամատի մեջ իրար հետ հաց կիսող ու միմյանցից մահ փախցնող ընկերները հայտնվում են տարբեր խրամատներում: Ինչքը, այն ձեռք բերելու դաժան մրցավազքը մոռանալ են տալիս ամեն բան:
Եվ պատահական չէ, որ հերոսները կյանքի դաժան իրականությունից փախչելու համար հաճախ ապավինում են նույնիսկ մղձավանջներին: