Մարկ Լեւի, «Իսկ եթե դա ճիշտ էր…», վեպ, ֆրանսերենից թարգմանությունը՝ Թերեզա Ստեփանյանի, 288 էջ, «Էդիթ Պրինտ» հրատ., 2024թ.:

Ֆրանսիացի գրողի առաջին գիրքն է. լույս է տեսել 2000 թվականին՝ նրան արժանացնելով «Գոյա-առաջին վեպ» մրցանակի: Այն մեծ հետաքրքրություն է առաջացրել ընթերցողների շրջանում եւ համարվում է ամենից շատ վաճառվող գրքերից մեկը: Միայն 2003թ.-ին Ֆրանսիայում վաճառվել է 212.800 օրինակ:

Ստեղծագործության հիմքում կոմայի առեղծվածն է՝ ֆիզիկապես «մահացած» ուղեղով մարդու գիտակցական կյանքի շարունակությունը, հոգու գոյության զարմանալի խորհրդավոր երեւույթը: Վեհանձնության, սիրո, նվիրվածության, մարդասիրության լավագույն դրսեւորումներով են օժտված վեպի գլխավոր հերոսները:

Վեպի հիման վրա 2005 թվականին նկարահանվել է «Երկնքի եւ երկրի միջեւ» ֆիլմը: Գիրքը թարգմանվել է շուրջ քառասուն լեզվով, հրատարակվել 32 երկրներում եւ վաճառվել ավելի քան հինգ միլիոն օրինակով՝ երկու տարի շարունակ մնալով բեսթսելլերների ցանկում: