«Աշխարհի մեծագույն վաճառականը», Օգ Մանդինո, վավերագրական արձակ, թարգմանությունը՝ Կարինե Պողոսյանի, 128 էջ, «Էդիթ պրինտ», 2023թ.:
Կարեւոր չէ, թե ով ես դու այսօր… քանի որ համամարդկային այս բեսթսելերի հետ կսովորես՝ ինչպես փոխել կյանքդ՝ կիրառելով այն գաղտնիքները, որոնք կգտնես սույն գրքում ներկայացվող հնագույն գալարներում:
«Աշխարհի մեծագույն վաճառականը» գրքի հեղինակը արտասովոր ու բարդ ճակատագրով մեկն է, որ մի ժամանակ հասել էր կործանման եզրին. ուժերի ծաղկման շրջանում նա մտածում էր ինքնասպանության մասին, քանի որ կորցրել էր ամեն ինչ՝ աշխատանքը, տունը, կյանքի իմաստը, ու հայտնվել խոր հուսահատության մեջ: Բայց նա կարողացավ հաղթահարել այս ամենն ու մագլցել մինչեւ հաջողության ամենաբարձունքները:
Իր սեփական փորձը նա հետագայում դարձրեց հազարավոր մարդկանց հաջողության հասնելու միջոց, նրանց հնարավորություն տվեց հաղթահարելու ճգնաժամերն ու հասնել հաջողությունների: Հեղինակը մի առիթով ասել է. «Անհաջողությունների սպանդանոցն իմ ճակատագիրը չէ: Ես պայքարելու եմ մինչեւ հաջողության հասնելը»:
Այս գիրքը հարգանքի տուրք է հանճարեղ վաճառականին՝ Վ. Քլեմենտ Սթոունին, ով սերը, կարեկցանքը եւ վաճառելու արվեստի յուրօրինակ գաղափարախոսությունն իրար է միախառնել՝ ստեղծելով հաջողության մի դինամիկ փիլիսոփայություն, որը տարեցտարի ոգեւորում եւ ուղղորդում է հազարավոր մարդկանց՝ բացահայտելու էլ ավելի մեծ երջանկություն, լինելու առողջ թե՛ հոգեպես, թե՛ ֆիզիկապես, վերագտնելու իրենց մտքի խաղաղությունը, լինելու ազդեցիկ եւ հարուստ: