«Շագանակագույն կոստյումով մարդը», Ագաթա Քրիստի, դետեկտիվ ժանրի վեպ, թարգմանությունը՝ Քրիստինե Չիլինգարյանի, 236 էջ, «Էդիթ պրինտ», 2023թ.:
1924 թվականին լույս տեսած այս ստեղծագործությունը Քրիստիի վաղ շրջանի լավագույն գործերից է: Արկածների սիրահար Էնն Բեդինգֆելդը՝ մարդաբանության պրոֆեսորի որբացած դուստրը, Լոնդոնի մետրոյում ականատես է դառնում դժբախտ պատահարի: Հունվարյան նույն օրը քաղաքի մեկ այլ հատվածում՝ մեծահարուստ սըր Յուսթաս Փեդլերի առանձնատանը, հայտնաբերվում է ինքնությունը չպարզված մի օտարերկրուհու դի:
Առաջին հայացքից որեւէ կապ չունեցող այս երկու դեպքերում ուրվագծվում է նույն շագանակագույն կոստյումով մարդը: Առեղծվածը բացահայտելու համար Էննը պատրաստ է ամենախենթ քայլերի, մինչեւ անգամ հանցավոր աշխարհի պարագլխի դեմ դուրս գալու եւ Հարավային Աֆրիկայի անմատչելի եզերքները հասնելու:
«Դետեկտիվի թագուհու» պատկերավոր սպանությունների առեղծվածները տասնամյակներ շարունակ հետապնդել են ընթերցողներին: Նրա գրքերը հրատարակվել են ավելի քան 2 միլիարդ տպաքանակով եւ թարգմանվել աշխարհի մոտ 100 լեզուներով: Ագաթա Քրիստին աշխարհի ամենաշատ թարգմանված հեղինակն է՝ առաջ անցնելով Ժյուլ Վեռնից եւ Ուիլյամ Շեքսպիրից: