Պաուլ Բիխել, Լինդա Ֆաաս, «Բանալի ծաղիկը», մանկապատանեկան, հոլանդերենից թարգմ.՝ Աննա Մարիա Մատտաարի, 144 էջ, «Զանգակ» հրատ. 2026թ.:

Արդեն հազար տարի է, ինչ Մանսոլեյն թագավորն իր պղնձե ամրոցից իշխում է կենդանիներին, վիշապներին եւ թզուկներին։ Բայց նա՝ հեքիաթային անտառի իմաստուն առյուծը, ծերացել էր, ու նրա սիրտը բաբախում էր խարխուլ ժամացույցի պես։ Առյուծ թագավորի կյանքը փրկելու համար անտառի բուսաբույժը գնում է Բանալի ծաղիկը բերելու։

Նրան երկար ու վտանգավոր ճանապարհորդություն է սպասում, եւ որպեսզի մինչեւ բուսաբույժի վերադարձը թագավորի սիրտը բաբախի, ամեն օր նա պիտի լսի հուզիչ մի պատմություն։ Նրա թագավորության կենդանիները հերթով գալիս են ամրոց եւ պատմում իրենց իմացած ամենահետաքրքիր հեքիաթը։ Արդյո՞ք բուսաբույժը կկարողանա ժամանակին վերադառնալ։

«Բանալի ծաղիկը» մանկական արկածային վիպակ է, որն իր մեջ միավորում է կախարդանքը, բարությունն ու քաջությունը։ Հարմար է 8 տարեկանից բարձր երեխաների եւ բոլոր հեքիաթասերների համար։