Մագդա Թախտաճյան, «Ռոջավա», վեպ, իսպաներենից թարգմանությունը՝ Գայանե Հայրապետյանի, Նյու Մեգ ՍՊԸ, 336 էջ, 2023թ.:
Նանե Բարսեղյանը, որը մեծացել է Խորհրդային Հայաստանում, թողնում է ամեն ինչ եւ մեկնում սիրիական Քրդստանի Ռոջավա շրջան՝ իրական հորը գտնելու հույսով: Ուղեւորության ընթացքում Մանեին ուղեկցում է զարմուհին՝ լրագրող Ալմա Բարսեղյանը:
Պատերազմից ու բռնությունից ավերված այդ վայրում գլխավոր հերոսների համար բախտորոշ է դառնում ծառայությունը կանանց ջոկատում, որտեղ խիզախ կանայք պաշտպանում են այն հողը, որը վաղուց խաղաղություն չի տեսել: Ամենածանր փորձությունների միջով անցնող կանանց բանակը ամենակարեւոր դասն է տալիս՝ կյանքում ոչինչ չի տրվում առանց պայքարի:
Իսլամական պետության, թուրքական զորախմբերի եւ սիրիական ծանր իրականության դեմ մղվող պայքարի հենքին զարգանում է Նանե Բարսեղյանի պատմությունը: Մագդա Թախտաճյանը այս վեպում միաձուլում է հուզական պատումն ու լրագրողական սրատեսությունը: Եվ ստեղծում է պատերազմից ավերված տարածքում ձեռք բերված ինքնության ու սիրո մասին պատմություն:
Թախտաճյանը հեղինակել է երեք վեպ՝ «Ալմա Արմենիա», «Ռոջավա» եւ «Արցախ»: Այս վեպերը համարվում են եռագրություն, բայց դրանք կարելի է ընթերցել նաեւ որպես առանձին ստեղծագործություններ: Գրքերը թարգմանվել են տարբեր լեզուներով ու հրատարակվել Լատինական Ամերիկայի մի քանի երկրում: