Փոլ Իգնեշիուս, «Հիմա մասամբ գիտեմ», հուշագրություն, «Նյումեգ», 2019թ.

Այս բացառիկ ինքնակենսագրականը ներկայացնում է ԱՄՆ-ում բարձր պետական պաշտոններ զբաղեցրած ամերիկահայ պետական եւ ռազմական գործիչ Փոլ Իգնեշիուսի հուշերը։ Հեղինակը պատմում է, թե ինչպես է իր ընտանիքը՝ փրկվելով Աբդուլ Համիդի ջարդերից, հաստատվել Անգլիայում, ապա տեղափոխվել ԱՄՆ։ Նա առանձնակի ջերմությամբ է հիշում մանկության ու պատանեկության տարիները, երբ Գլենդելի իրենց տուն էին այցելում Վիլյամ Սարոյանը, Ռուբեն Մամուլյանը։

Իգնեշիուսը պատմում է նաեւ Հարվարդում ուսանելու, Երկրորդ համաշխարհային պատերազմին մասնակցելու եւ ԱՄՆ կառավարությունում աշխատելու տարիների մասին։ ԱՄՆ պաշտպանության նախարար Ռոբերտ Մակնամարայի օգնականն էր: Մասնակցել է «Սառը պատերազմի» ամերիկյան քաղաքականության մշակմանը: Ջ. Քենեդու եւ Լ. Ջոնսոնի նախագահության օրոք եղել է բանակի նախարարի ու պաշտպանության նախարարի օգնական: Վիետնամի պատերազմի տարիներին՝ 1967-69թթ., նշանակվել էր ԱՄՆ ռազմածովային ուժերի նախարար ու ԱՄՆ Պնախարարի տեղակալ: Ի պատիվ նրա ձեռքբերումների՝ ամերիկյան նավատորմը 2019-ին նրա անունով կոչեց իր հրթիռային հածանավերից մեկը:

Փոլ Իգնեշիուսը ծնվել է 1920-ին Գլենդելում, սակայն նրա արմատները պատմական Հայաստանի Խարբերդում են: Գրքում նկարագրված է 2006-ի այն պատմական ուղեւորությունը, որի ընթացքում այցելել էր Արեւմտյան Հայաստան եւ Երեւան։