Հինգշաբթի, Մայիսի 06, 2021

Գրքի մեկնություն

Սալի Ռունի, «Նորմալ մարդիկ»

անգործուն աստղանգործուն աստղանգործուն աստղանգործուն աստղանգործուն աստղ
 

Սալի Ռունի, «Նորմալ մարդիկ», վեպ, թարգմանությունը՝ Աստղիկ Սարգսյանի, Նյումեգ, 320 էջ, 2021թ.: 

Քոնելն ու Մարիաննան մեծացել են նույն փոքր, գավառական քաղաքում, բայց նմանությունները դրանով ավարտվում են: Դպրոցում Քոնելը հայտնի է ու սիրված, իսկ Մարիաննան միայնակ է: Բայց երբ նրանք մի անգամ զրույցի են բռնվում, նրանց կյանքը մեկեն փոխվում է:

Մի տարի անց երկուսն էլ Դուբլինում են, Թրինիթի քոլեջում: Մարիաննան մտնում է նոր սոցիալական միջավայր, մինչդեռ Քոնելը երկչոտ ու անվճռական պատանու պես երկրորդական դերում է: Համալսարանում Մարիաննան ու Քոնելը երբեմն միասին են, բայց հաճախ՝ ուրիշներով տարված։ Նրանք մագնիսի պես ձգում են միմյանց, քանի որ անդիմադրելի կապվածություն են զգում:

Սակայն Մարիաննան ոտք է դնում ինքնակործանման արահետ, Քոնելն էլ սկսում է կյանքի իմաստը փնտրել իր կարիերայում։ Ե՛վ Մարիաննան, ե՛ւ Քոնելը պետք է առանձին-առանձին որոշեն, թե իրենց կյանքում ի՛նչը պետք է զոհաբերեն հանուն սիրելի էակի:

Սալի Ռունիի «Նորմալ մարդիկ»-ը 21-րդ դարում սիրո մասին գրելու կատարյալ օրինակ է: Նրա երկրպագուների թվում է Հոլիվուդի կեսը՝ Ռիզ Ուիզերսպունից մինչեւ Սառա Ջեսիկա Պարկեր եւ Լենա Դանհեմ: Ինչպես Սալի Ռունին տիրեց գրական աշխարհին ՝ հարցը հաճախ են քննարկում քննադատները։ Պատասխանը պարզ է՝ նա սիրո, ընկերության, հարաբերությունների եւ տարիքն առնելու մասին գրում է բոլորովին նոր ոճով, նոր խոսքով։ Ռունին դարձել է նոր հազարամյակի առաջին սերնդի առաջին մեծ վիպագիրը։ Երեսնամյա իռլանդացի գրողը ապրում է Դուբլինում:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: