Չորեքշաբթի, Դեկտեմբերի 07, 2022

Գրքի մեկնություն

Մարո Վամվունակի, «Լռեցված սիրո ուրվականը»

անգործուն աստղանգործուն աստղանգործուն աստղանգործուն աստղանգործուն աստղ
 

Մարո Վամվունակի, «Լռեցված սիրո ուրվականը», հոգեբանական վեպ, թարգմ.՝ Տաթեւիկ Ստեփանյանի, «Էդիթ Պրինտ», 248 էջ, 2022թ.:

Սպառողական հասարակության մեջ եսասիրությունն անհատին փակել է սեփական կեղեւում ու դժվարացրել արտաքին աշխարհի հետ ազնիվ շփումները: Որպեսզի մարդը հաղթահարի ներքին խնդիրները, նախ պետք է ետ գնա անցյալ, ճանաչի ինքն իրեն, իր հիմնէությունը ու փորձի փոխել ինքզինքը: Երջանկության բանալին Վամվունակին համարում է Աստծո եւ մարդկանց հանդեպ մաքուր սիրո վերագտնումը, ինքնանվիրումի ցանկությունն ու պատրաստակամությունը:

Մարո Վամվունակին Հունաստանի արդի գրական աշխարհի ամենաճանաչված ու սիրված դեմքերից է, որն ապրում եւ բեղուն ստեղծագործական գործունեություն է ծավալում Աթենքում: Վամվունակին նախապես հայտնի էր որպես արձակագիր: Սակայն վերջին շրջանում մասնագիտությամբ հոգեբան հեղինակը նախապատվությունը տվել է խոհափիլիսոփայական-հոգեբանական թեքումով ստեղծագործություններին՝ առանցքում պահելով մարդու եսակենտրոն բնույթից բխող բազում խնդիրներ, որոնք դժբախտության ու միայնակության զգացողություններ են բերում:

Գրքի գլուխներից մեկում գրողն առաջարկում է ճանապարհներ, որոնցով մարդը կարող է վերադառնալ իր բնական, նախաստեղծ վիճակի եւ գտնել սեփական «ես»-ը: Սյուժեի կառուցիկությունը, հյութեղ լեզուն եւ պատկերավոր արտահայտչամիջոցներն այս երկի անկապտելի բաղադրատարրերն են:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: