Հինգշաբթի, Հունվարի 17, 2019

Գրքի մեկնություն

«Սպիտակի 1988թ. երկրաշարժը լուսանկարներով, փաստերով եւ մեկնաբանություններով», Սերգեյ Նազարեթյան

Սերգեյ Նազարեթյան, «Սպիտակի 1988թ. երկրաշարժը լուսանկարներով, փաստերով եւ մեկնաբանություններով», 2018թ.

Երկրաբանական գիտությունների դոկտոր, պրոֆեսոր Սերգեյ Նազարեթյանի «Սպիտակի 1988թ. երկրաշարժը լուսանկարներով, փաստերով եւ մեկնաբանություններով» գիտահանրամատչելի գիրք-ալբոմը իր բովանդակությամբ յուրահատուկ է, քանի որ ներառում է երկրաշարժին վերաբերող առավել կարեւոր ոլորտները՝ 30 տարվա ժամանակահատվածի համար: Գրքում կան ստույգ տվյալներ. Սպիտակի երկրաշարժի ժամանակ փլուզվել է առնվազն 10 եկեղեցի: Բուն, հիմնական ցնցումը տեւել է 35-45 վայրկյան:

Գրքում տեղ են գտել 110-ից ավելի լուսանկարներ, մեծ թվով փաստացի տվյալներ, 50-ից ավելի քարտեզներ: Այն թարգմանված է նաեւ անգլերեն:

Ուշադրության կենտրոնում Սպիտակի ավերիչ երկրաշարժն է: Ներկայացված են կորուստները, սեյսմաբանական ու երկրաբանական հետեւանքները, ետերկրաշարժյան իրավիճակը, տարբեր տիպի շենքերի վնասվելու վիճակագրությունը: Աշխատությունը

նպատակ ունի նպաստելու սեյսմիկ պաշտպանության կազմակերպմանը: Ըստ Նազարեթյանի, Սպիտակի երկրաշարժը լավ ուսումնասիրված է, քանի որ աղետից հետո մասնագետներ էին եկել տարբեր երկրներից՝ սկսած Ճապոնիայից, վերջացրած Միացյալ Նահանգներով:

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am